آبيات حكم للشاعر الكبير رشيد الزلامي

  • 09/03/2015 18:53
  • 0
  • 816
  • تنبيه : أنت تتصفح محتوى من أرشيف الموسوعة تم نشرة منذ 3 سنة

يامتعب الأقدام ماشي على ويـن
مع جرّة جاها العجـاج ودفنهـا

ارجع وعدّ خطاك وحده وثنتيـن
واكبح جماح النفس والزم رسنهـا

لاتامن الدنيا ترى وضعها شيـن
ماعاد به دنيـا صحيـح بدنهـا

لاصاروا العقّال مثـل المجانيـن
واصبح ردي العرف يامر وينهى

انا مجرّب والتجـارب براهيـن
اراهن الأيـام واكسـب رهنهـا

منها عرفت الفرق بين الفريقيـن
سبحان من صاغ العقول ووزنها

وان كان صح ان التجارب براهين
ضمنتها لن كان ربـي ضمنهـا

رفقة ردي المعرفة بعتهـا ديـن
على زبون " ضمّها واحتضنهـا

بغى يجيني بالثمن قلـت بعديـن
امسك فلوسك لين ننشـدك عنهـا

مابعتك الاّ سلعة" يااحمر العيـن
ابيعهـا وابيـع حتـى ثمنـهـا

والله مبي فيها ثمن لـو قرشيـن
بس المهم انـي تخلصـت منهـا

شعر : رشيد الزلامي

المصادر :

الكلمات الدلالية :

مساهمات ومشاركات الأعضاء (0)

  1. لا تتوفر مساهمات في الموضوع بالوقت الحالي

هل لديك إضافة أو تعليق على الموضوع سجل مساهمتك لنشرها